Qarashanyń 13-i kúni Astanada údemeli ındýstrııalyq-ınnovatsııalyq damý baǵdarlamasyn ázirleý máselesine baılanysty otyrys ótedi

sp;ASTANA. Qarashanyń 12-si. QazAqparat /Aıdar Ospanalıev/ - Qarashanyń 13-i kúni Astanadaǵy «Etalon ortalyǵy» ǵımaratynda Indýstrııa jáne saýda vıtse-mınıstri Erhat Esqalıevtyń tóraǵalyǵymen údemeli ındýstrııalyq-ınnovatsııalyq damý baǵdarlamasyn ázirleý jumystaryna baılanysty arnaıy otyrys ótedi.

 Onda Qazaqstannyń jańa ındýstrııalyq saıasaty aıasynda tehnıkalyq retteý quraldaryn tıimdi qoldaný máselesi talqylanbaq, dep habarlaıdy QazAqparat.

Otyrysqa memlekettik organdardyń, ulttyq kompanııalardyń jáne bıznes-qoǵamdastyqtyń ókilderi qatysady dep kútilýde. Otyrysta sondaı-aq Keden odaǵymen baılanysty tehnıkalyq retteý, ındýstrııalandyrý protsesindegi tehnıkalyq retteý men sapa ınfraqurylymyn qurý, bıznes qoǵamdastyqtarymen birlese otyryp ónerkásipti damytý men olardyń standarttaryna qatysty máseleler de sóz bolady.