ASTANA. QazAqparat – Bıyl qarashada elimizge Túrkııa Prezıdenti Rejep Taııp Erdoǵan keledi. Bul týraly elimizge resmı saparmen kelgen Túrkııanyń Syrtqy ister mınıstri Hakan Fıdanmen kezdesken QR Syrtqy ister mınıstri Murat Nurtileý málim etti, dep habarlaıdy QazAqparat tilshisi.
«Osy rette, ústimizdegi jyldyń 3 qarashasyna josparlanǵan Túrki memleketteri uıymynyń mereıtoılyq 10-shy sammıtine Prezıdent Rejep Taııp Erdoǵannyń saparyn uıymdastyryp, ony joǵary deńgeıde ótkizýge kúsh jumyldyrýǵa ýaǵdalastyq. Bul – seriktestigimizdi strategııalyq rýhta damytýdyń taǵy bir joly», - dep málim etti Murat Nurtileý.
Eske salaıyq, Túrki memleketteriniń 10-shy mereıtoılyq sammıti Túrkistan qalasynda ótedi.
Álıhan Asqar
2018 jyly A. Baıtursynov atyndaǵy Qostanaı memlekettik ýnıversıtetin jýrnalıstıka mamandyǵy boıynsha támamdaǵan. Ár jyldary oblystyq Qostanai, respýblıkalyq Astana TV, «Jetinshi arna» telearnalaryndaǵy baǵdarlama jáne jańalyqtar bóliminde qyzmet etti. «QR Prezıdenti teleradıokesheninde» 2022 jyldyń mamyrynan bastap eńbek etedi. 2023 jyldan beri Kazinform agenttiginiń Ózbekstandaǵy menshikti tilshisi.