Qarasha aıynda Tarbaǵataıda sýǵa ketken 20 jastaǵy balyqshynyń denesi tabyldy
«Búgin 19 sáýirde Tarbaǵataı aýdany Zaısan kólinde Tuǵyl kentiniń turǵyndary sýǵa ketken 1990 jyly týǵan ekinshi balyqshynyń denesin taýyp, sýdan shyǵardy», delingen habarlamada.
ShQO Tótenshe jaǵdaılar departamenti baspasóz qyzmetiniń málimetine súıensek, qaıǵyly oqıǵa 2020 jyldyń 20 qarasha aıynda bolǵan. Eki er adam balyq aýlaýǵa ketip úıge oralmaǵan. Qutqarýshylar olardy 26 kún ishinde 6-9 metrge deıin tereńge 145 ret súńgip sý astynan izdedi. Іzdeý jumysy 16,291 sharshy shaqyrymdaı jerde júrigizildi, alaıda nátıje bolmady.
16 sáýirde oblystyq TJD Jedel-qutqarý jasaǵynyń qyzmetkerleri izdeý jumysyn qaıta bastap, Qara Ertis ózenindegi Kendirlik ýchaskesi mańynda 40 jastaǵy sýǵa batyp ketken balyqshynyń denesin tapty. Qaıyqpen izdegender balyqshynyń óli denesin oqıǵa ornynan 30 shaqyrym jerden tapty.