Qarasha aıynda elimizdegi ınflıatsııa 0,6 paıyzdy qurady

ASTANA. 2 jeltoqsan. QazAqparat /Qanat Mámetqazyuly/ - Ótken qarasha aıynda elimizdegi ınflıatsııa deńgeıi 0,6 paıyzdy qurady. Statıstıka agenttiginiń habarlaýyna qaraǵanda, atalmysh kezeńde baǵa azyq-túlik taýarlaryna ótken aıda 0,8 paıyzǵa, azyq-túlik emes taýarlary jáne aqyly qyzmetterge - 0,4 paıyzdan ósken.

Budan bólek, ótken aıda baǵanyń joǵarylaýy et jáne et ónimderine 3,2 paıyz, jumyrtqaǵa - 2,9, irimshikke - 1,9, jańa saýylǵan sútke - 1,1 paıyzǵa, qyshqyl sút ónimderine jáne sary maıǵa - 1 paıyzdan tirkelgen. Sonymen qosa, baǵa jańa jınalǵan jemister men kókónisterge 0,8 paıyz, alkogolsiz sýsyndarǵa - 0,6 paıyz, balyq jáne teńiz ónimderine - 0,5 paıyzǵa ósti. Baǵanyń tómendeýi kúrishke 0,8 paıyz, un jáne jarmalarǵa - 2,4 paıyz, kartopqa - 3,4 paıyz, qantqa - 7,3 paıyzǵa belgilendi.

Budan bólek, kıim jáne aıaq kıimderine, jeke kútimge arnalǵan taýarlarǵa baǵa 0,5 paıyzdan, úı turmysyna qajetti zattaryna, farmatsevtıkalyq ónimderge - 0,4 paıyzdan ósken. Baǵa ósimi qatty otynǵa 2,2 paıyz, suıytylǵan gazǵa - 0,4 paıyzdy quraǵan.

Sonymen qatar, turǵyn úı kommýnaldyq qyzmetter salasynda tólem ystyq sýǵa 1,6 paıyz, qoqys jınaýǵa - 2,2 paıyzǵa ósti. Densaýlyq saqtaý, shashtarazdar men jeke qyzmet kórsetý oryndarynyń qyzmetteri 0,9 paıyzdan, kólik jáne bilim berý qyzmetteri - 0,4 paıyzdan, mádenıet, meıramhanalar men qonaq úıler - 0,3 paıyzdan qymbattady.