Qarasha aıynyń basynan beri 2 esirtki zerthanasy taratyldy - ІІM

<p>ІІM esirtki qylmysyna qarsy is-qımyl departamentiniń qyzmetkerleri óńirlik bólinistermen birlesip, osy aıdyń basynan bastap esirtkiniń iri partııalaryn tárkilep, birqatar qylmyskerdi ustady, dep habarlaıdy <a href="https://kaz.inform.kz/news/mangistauda-turmistik-zorlikka-ushiragan-11-ayel-shugil-komek-korsetu-ortaligina-zhugngen-5b8dd2/Kazinform" target="_blank" rel="noopener">Kazinform</a> <a href="https://polisia.kz/iim-qarasha-ajynyng-basynan-beri-160-esirtki-qylmyskeri-ustaldy-2-esirtki-zerthanasy-taratyldy/" target="_blank" rel="noopener">Polisia.kz</a> saıtyna siltep.&nbsp;</p>

Sıntetıkalyq esirtki óndiretin eki esirtki zerthanasy joıyldy. Kelip túsken aqparat boıynsha jedel qyzmetkerler Almaty qalasynda Jambyl oblysynyń eki turǵynyn ustady, olardyń avtokóliginiń salonynda 152 kg gashısh tabylyp, tárkilendi. Almaty polıtseıleri qalanyń 24 jastaǵy turǵynyn ustady, onyń kóliginde jasyryp satýǵa daıyndalǵan 1,2 kg psıhotroptyq zat mefedron tabyldy.

Semeılik polıtseıler ınternet-dúkenniń esirtki jasyrýshysy bolyp jumys isteıtin Pavlodar oblysynyń eki turǵynyn quryqtady. Olardan bir kg “a-PVP” psıhotroptyq zaty tárkilendi.

Esirtki zerthanasyn uıymdastyrǵany úshin Almaty qalasynyń turǵyny ustaldy. Tintý barysynda onyń jaldamaly páterinen esirtki jasaý úshin paıdalanylatyn jabdyqtar, eki shyny kolba, kanıstr jáne 1,5 kg mefedron tabylyp, tárkilendi.

16 qarashada Almaty oblysy Uzynaǵash kentinde polıtsııa qyzmetkerleri esirtki zerthanasyn uıymdastyrǵany úshin Almaty qalasynyń eki turǵynyn ustady. Úıdiń aýmaǵynda ornalasqan konteınerdi tintý barysynda úsh tonnadan astam prekýrsor, elektrondyq tarazylar, reaktor, shyny kolbalar jáne 30 kg daıyn mefedron psıhotroptyq zaty tárkilendi.

– Qarasha aıynan bastap ІІM esirtki qylmysyna qarsy kúres bólimsheleriniń qyzmetkerleri zańsyz aınalymnan 208 kg túrli esirtki zattaryn tárkiledi, – dedi ІІM esirtki qylmysyna qarsy is-qımyl departamenti bastyǵynyń orynbasary Sarqytbaı Qusaıynov.