Qarasha aıynda kún saıyn 400-ge jýyq bala emdelýge jatqyzylǵan

<p>QR Densaýlyq saqtaý mınıstrligi bıylǵy qarasha aıynda elimizde bolǵan epıdemıologııalyq jaǵdaıǵa túsinik berdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Jergilikti atqarýshy organdardyń málimetine qaraǵanda, balalarǵa arnalǵan 2911 oryn bar, onyń ishinde 139-y reanımatsııalyq. Eldegi aýrýhana tósek-oryndarynyń shamamen 52 paıyzynda balalar emdelip jatyr. Aýrý tez taraǵan óńirlerde rezervtik oryndar qamtamasyz etilgen. Bıyl 10 qarashadaǵy jaǵdaı boıynsha 2079 bala statsıonarly tártipte emdelip jatyr», - delingen mınıstrliktiń Kazinform agenttine bergen jaýabynda.

Sonymen qatar elimizde kún saıyn 300-den astam bala aýrýhanadan emdelip shyqsa, al 400-ge jýyq bala emdelýge barady.

Jaqynda Densaýlyq saqtaý mınıstri Ajar Ǵınııat qyzylsha órshigen óńirlerdi atady. 

Respýblıkada qyzylshanyń 17 myńnan astam jaǵdaıy tirkelgen, 82 paıyzdan astamy balalarǵa tıesili. Onyń ishinde, 83 paıyzy – ekpe almaǵan balalar.