«Qarapaıym zattar ekonomıkasyn» qarjylandyrý artady – Prezıdent

NUR-SULTAN. QazAqparat – QR Prezıdenti Qasym-Jomart Toqaev koronavırýs pandemııasyna qatysty tótenshe jaǵdaıdaǵy bıznesti qoldaý sharalaryn aıtyp berdi, dep habarlaıdy QazAqparat.

«Bıznesti nesıeleý deńgeıiniń tómendeýine jol bermeýimiz kerek. Іshki naryqty toltyryp, óndiristi yntalandyrý úshin «Qarapaıym zattar ekonomıkasy» baǵdarlamasyn qarjylandyrý artady. Dúrligý kezinde alypsatarlyq ústeme baǵaǵa jol berilmeıdi. Meniń tapsyrmam boıynsha Úkimet pen barlyq deńgeıdegi ákimder bul máseleni qatań baqylaýǵa alady», - dedi Memleket basshysy efırde kórsetilgen úndeýinde.

Buǵan deıin Prezıdent otandyq kásipkerlerdi qoldaýǵa jáne jańa jumys oryndaryn qurýǵa eń kemi 300 mlrd teńge bólinetinin habarlaǵan edi. Sondaı-aq, Prezıdent koronavırýs pandemııasyna qatysty tótenshe jaǵdaı boıynsha Jarlyq qabyldady.