Qarapaıym zattar ekonomıkasy: Aqmolada jyl basynan beri 57 joba qoldaý tapty

KÓKShETAÝ. QazAqparat – Aqmola oblysynda jyl basynan beri jalpy quny 8,7 mıllıard teńge bolatyn 57 joba qoldaý tapty, dep habarlaıdy QazAqparat tilshisi oblys ákimdiginiń baspasóz qyzmetine silteme jasap.

«Búgingi kúni Aqmola oblysynyń «Qarapaıym zattar ekonomıkasy» portfeli óńdeýshi ónerkásip, aýyl sharýashylyǵy kesheni jáne quny 35,7 mıllıard teńgeniń qyzmeti tárizdi 78 jobadan turady. Onyń ishinde jalpy quny 8,7 mıllıard teńge bolatyn 57 joba qoldaý tapty»,- deıdi ákimdiktiń baspasóz qyzmetindegiler.

Bıyl ındýstrııalandyrý kartasy boıynsha quny 64 mıllıard teńge bolatyn 12 jobany iske qosý josparlanǵan. Bul 826 astam jańa jumys ornyn ashýǵa múmkindik beredi. Kásipkerlerdiń iskerlik belsendiligin arttyrý úshin «Bıznestiń jol kartasy - 2025» baǵdarlamasy sheńberinde 4,7 mıllıard teńge qarjy bólindi (2019 jyly – 2,1 mıllıard teńge).

Jańa 45 joba boıynsha sýbsıdııa berile bastady, 299,3 mıllıon teńge sýbsıdııa tólendi, sondaı-aq, 86,8 mıllıon teńgege 15 nesıe kepildendirildi. Quny 26,7 mıllıard teńgeni quraıtyn 6 joba «Agrarlyq nesıe korporatsııasy» AQ qaraýynda jatyr.

«Qurylys jumystarynyń kólemin arttyrýdy, turǵyn úılerdi merziminde tapsyrýdy, sondaı-aq, kóktemgi dala jumystaryn ýaqytyly jáne sapaly júrgizýdi, egistik alaqaptardy ártaraptandyrýdy jáne mal sharýashylyǵy kórsetkishterin oryndaýdy tapsyramyn», - dedi aımaq basshysy Ermek Marjyqpaev ákimdik májilisinde.