Karantınnen keıin bıznes jumysyna qoldaý kórsetý kerek – mınıstr

NUR-SULTAN. QazAqparat – QR Ulttyq ekonomıka mınıstri Rýslan DálenovEkonomıkalyq belsendilikti qalpyna keltirý boıynsha jergilikti atqarýshy organdarǵa birqatar usynym berdi, dep habarlaıdy QazAqparat.

«Ekonomıkalyq belsendilikti qalpyna keltirý boıynsha qabyldanyp jatqan sharalardy eskere otyryp, ortalyq jáne jergilikti atqarýshy organdar mynadaı aspektilerge nazar aýdarýy qajet. Birinshiden, karantınnen keıingi kezeńde bıznestiń jumysyn

jan-jaqty qoldaý kerek. Ekinshi – memlekettik baǵdarlamalar sheńberinde kásipkerlerdi qoldaý quraldaryn tıimdi iske asyrýdy qamtamasyz etý», - dedi mınıstr Úkimet otyrysynda.

Úshinshi – qazaqstandyq ónimniń úlesin ulǵaıtýdy, jumyspen qamtýdy qamtamasyz etetin qarajatty tolyq jáne tıimdi ıgerý qajet.

Tórtinshi – ınvestıtsııalardy belsendi tartý jáne ınvestorlarmen naqty jumys jasaý kerek.

«Besinshi – óńdelgen taýarlardy óndirý jáne eksporttaý úshin jaǵdaı jasaý qajet. Altynshy – baǵa monıtorıngin kúsheıtý jáne Turaqtandyrý qorlarynyń tetikterin paıdalaný arqyly maýsymdyq aýytqýlarǵa jol bermeý kerek jáne jetinshi – óńirlik eńbek naryqtaryndaǵy ahýalǵa turaqty monıtorıng júrgizý jáne jumyspen barynsha qamtý kerek», - dedi R. Dálenov.