Karantınge jiberiletin dárigerge ótemaqy qalaı tólenýi tıis

NUR-SULTAN. QazAqparat - QR Densaýlyq saqtaý mınıstri Eljan Birtanov dárigerlerdi jumystan zańsyz shettetetin medıtsına uıymdaryn synǵa aldy, dep habarlaıdy QazAqparat.

«Keı óńirler (Qaraǵandy oblysy) men medıtsınalyq uıymdardyń (Aqmola, Pavlodar oblystary) óz sheshimderimen 14+14 kestesin bekitken. ıAǵnı, psıhologııalyq jáne emotsıonaldyq júkteme, dert juqtyrý qaýpin eskere otyryp, 14 kún jumys istegen mamandardy 14 kún karantınge jiberedi. Mundaı jaǵdaıda Densaýlyq saqtaý mınıstrligi medıtsına mamandarynyń demalýy úshin qaýipsiz jaǵdaı jasaýdy talap etedi. Kóptegen óńirlerde mamandar ınfektsııalyq aýrýhanada túnemeıdi, qolaıly qonaqúılerge ketedi. Bul úshin óńir ákimderine alǵys aıtamyn», - dep jazdy E. Birtanov Facebook-te.

Sonymen birge, mınıstr Bas sanıtarlyq dáriger Qaýlysynyń 6-bóligine sáıkes, qorǵanys quraldarynsyz COVID-19 naýqasyna medıtsınalyq kómek kórsetkende, ınfektsııa juqtyrý qaýpi joǵary bolǵanda ǵana 14 kúnge jumystan oqshaýlaý qarastyrylatynyn túsindirdi.

«Bul jaǵdaıda mynadaı sharalar jasalady: maman 14 kúnge jumystan shettetiledi, úı nemese statsıonarlyq karantınge oqshaýlanady, zerthanalyq tekserýge bıomaterıal alynyp, kúndelikti medıtsınalyq baqylaý júrgiziledi. Nátıje oń bolǵan jaǵdaıda, emdeýge jiberiledi. Al ınfektsııa tabylmasa, 14 kúnnen keıin qosymsha tekserýden ótip qana, jumysqa qaıta oralady. ıAǵnı, medıtsınalyq maman naýqaspen baılanysta bolǵan adam retinde karantınge jiberiledi», - dedi E. Birtanov.

Biraq, mınıstr kóptegen jaǵdaıda medıtsına mamandary kezekshiligi aıaqtalǵannan keıin, saqtaný retinde karantınge jiberiletinin aıtty.

«Budan keıin 14 kúnniń ótemaqysy máselesi týyndaıdy. Nege ekeni bul kúnder úshin eńbekke jaramsyzdyq paraǵy rásemdeledi. Muny zańsyz dep esepteımin. Óıtkeni, munda qyzmetker tabysynan aıyrylady. Eńbek kodeksine sáıkes, jumystan ýaqytsha shettetýdi rásimdeý men ótemaqy tóleý tártibi eńbek jáne ujymdyq kelisimshartpen bekitiledi jáne eń tómengi jalaqy mólsherinen kem emes kólemde tólem taǵaıyndalýy tıis», - dep túsindirdi E. Birtanov.

Buǵan deıin vedomstvo basshysy dárigerlerge ústemeaqy tóleýde qandaı zańbuzýshylyqtar anyqtalǵanyn aıtyp berdi.

Naýryz aıynda respýblıkanyń 17,5 myń medıtsına mamanyna 3 mlrd teńgeden astam somaǵa ústemeaqy tólendi.