Karantınge jatqyzylǵan zańsyz ónim tasymaldaýǵa qatysty 90 oqıǵa anyqtaldy - AShM

ASTANA. QazAqparat - Memlekettik ınspektorlar shet elderden fıtosanıtarııalyq qaýpi joǵary karantınge jatqyzylǵan zańsyz ónimder ákelýge qatysty 90 áreketti anyqtady, dep habarlaıdy QazAqparat QR AShM baspasóz qyzmetine silteme jasap.

«2018 jyldyń 1-14 jeltoqsan aralyǵynda Aqtóbe, Batys Qazaqstan, Pavlodar, Soltústik Qazaqstan, Shyǵys Qazaqstan, Almaty jáne Túrkistan oblystyq aýmaqtyq ınspektsııalarynyń ósimdikter karantıni jónindegi memlekettik ınspektorlary Reseı, Ózbekstan jáne Qytaıdan fıtosanıtarııalyq qaýpi joǵary karantınge jatqyzylǵan ónimderdi zańsyz ákelýge qatysty 90 áreketti anyqtady»,  delingen habarlamada.

Fıtosanıtarııalyq baqylaý kezinde Reseıden - 1,3 tonna-qurama jem, 2,5 tonna banan, 1 tonna sarymsaq, 51 tonna bıdaı, 1,05 tonna grek jańǵaǵy, 1 tonna kepken jemis, 21,25 tonna uny, 20 tonna - bıdaı jarmasy, 10 tonna kúnbaǵys, 40 tonna kartop, 0,5 tonna qııar, 57 sh.m. aǵash kesindileri jáne Qytaıdan 1,5 sh.m. aǵash kesindileri, 3 tonna-úrmeburshaqtyń fıtosanıtarııalyq sertıfıkatsyz tasymaldanǵany anyqtaldy.
Sonymen qatar, Ózbekstannan qol júgin tasymaldaýǵa qoıylǵan shekteýlerge qaramaı, osy kórsetilgen aralyqta 64 jaǵdaıda karantınge jatqyzylǵan ónimderdiń (2,48 tonna jemis, kepken jemis, kókónis, jańǵaq, 17 dana kóshet, 1 297 dana gúl kesindileri) ákelgendigi anyqtaldy.
Ósimdikter karantıni salasyndaǵy zańnamalardyń talaptaryna sáıkes, atalǵan ónimder Qazaqstan aýmaǵyna tasymaldaýǵa tyıym salynǵan. Júkter Reseı Federatsııasyna, Qytaıǵa jáne Ózbekstanǵa keri qaıtarylyp, kináli tulǵalar ákimshilik jaýapkershilikke tartyldy.