Karantınge baılanysty áskerı oqý oryndaryna qabyldaý tártibi ózgerdi
Áskerı ınstıtýtqa túsý úshin 27 shilde men 11 tamyzda, Kadet korpýsyna qabyldaný úshin 1 jáne 20 tamyz aralyǵynda qabyldaý komıssııalary talapkerlerdiń UBT tapsyrý, psıhologııalyq testileý nátıjeleri jáne jergilikti áskerı basqarý organdarynyń medıtsınalyq komıssııalarynyń qorytyndylary, sondaı-aq bilim týraly qujatta kórsetilgen dene shynyqtyrý daıarlyǵy boıynsha jasalǵan jıyntyq reıtıng kestesi negizinde kandıdattardy qabyldaıdy.
Sonymen qatar, «Jas ulan» respýblıkalyq mektebine qabyldaý matematıka, oqytý tili jáne dene shynyqtyrý boıynsha negizgi orta bilimdi bitirgeni týraly kýálikte kórsetilgen baǵalar, ata-analar bergen densaýlyq jaǵdaıy týraly medıtsınalyq anyqtama negizinde 2020 jyldyń 3-7 tamyz aralyǵynda túsýshilerdiń qatysýynsyz ótedi.
Jergilikti áskerı basqarý organdarynda áskerge shaqyrý komıssııalarymen talapkerlerdi medıtsınalyq kýálandyrý, kásibı-psıhologııalyq testileý, oqý oryndaryna qujattardy jınaý jáne usyný uıymdastyryldy.
Іrikteý aıaqtalǵany, qabyldaý komıssııasynyń sheshimderi jáne iriktelgen kandıdattardyń kelý merzimderi týraly aqparatty kórsetilgen saıttarda tanysýǵa bolady:
- Radıoelektronıka jáne baılanys áskerı-ınjenerlik ınstıtýty – viires.kz
- Áýe qorǵanys kúshteriniń Áskerı ınstıtýty – visvo.mil.kz
- Qurlyq áskerleriniń Áskerı ınstıtýty: 8 (727) 290-16-09, 8 (727) 290-16-41
- Qorǵanys mınıstrligi Kadet korpýsynyń baılanys nómiri:
8 (71636) 4-15-20, 8-776-171-09-79, 8-700-983-25-99, 8-747-354-14-13.
- «Jas ulan» RM Nur-Sultan – zhasulan.mil.kz
- «Jas Ulan» RM Almaty – 8 (7273) 09-73-53, 8-778-421-75-12.
- «Jas Ulan» RM Shymkent – miled.kz
- «Jas ulan» RM Qaraǵandy – zhasulan-krg.kz
Іrikteýden sátti ótken talapkerler oqý ornyna keler aldynda COVID-19-ǵa test tapsyryp, nátıjesin kórsetýi qajet. Karantın sharalaryna sáıkes olar eki apta oqshaýlanady.
COVID-19-ǵa tapsyrǵan test oń nátıje kórsetken talapkerler tolyq saýyqqannan keıin qaıta tapsyrylǵan medıtsınalyq test nátıjesimen oqý ornyna kele alady.