Karantındegi juldyz: Mezzo toby onlaın kontsert berdi
Esterińizge sala ketsek, 23 naýryzdan bastap QR Mádenıet jáne sport mınıstrliginiń bastamasymen Qazaqkontsert pen Qazaqtelekom uıymdary birlesip, Live formatyndaǵy «Karantındegi juldyz» atty jańa jobany bastady. Joba aıasynda tanymal qazaqstandyq óner juldyzdary men Qazaqkontserttiń ártisteri jandy daýysta jáne onlaın formatta óner kórsetedi. Ónersúıer qaýymǵa ártúrli baǵyttaǵy – folklorlyq, estradalyq, klassıkalyq jáne ult aspaptyq oryndaýda kontsertter usynylady. Jobanyń basty artyqshylyǵy – kórermen qaýym úıden shyqpaı, súıikti ánshileriniń ónerin úıdegi jaıly atmosferada tamashalaı alady.
Osy kúnderi Roza Rymbaeva, Sáken Maıǵazıev, Medeý, Jeńis Seıdýllauly, Jubanysh Jeksenuly, Ǵadilbek Jańaı, Bekbolat Tileýhan, Qurmash Mahanov pen Ámire syndy belgili ánshiler ózderiniń onlaın kontsertterin berip úlgerdi. Kontsertter kórermenniń yqylasyna bólenýde.
Tipti 26 naýryz kúni ótken Roza Rymbaevanyń onlaın kontsertin Memleket basshysy halyqtyń rýhyn kóteretin naǵyz óner týyndysy dep baǵalady.