Karantındegi juldyz: Ardaq Balajanova men Klara Tólenbaevanyń onlaın kontserti ótedi
Sondaı-aq, «tańǵy jattyǵý» joba aıasynda búgin qazaqstandyqtar Álem chempıonatynyń qola júldegeri Madına Baqbergenovamen birge tańǵy saǵat 08:00-de jattyǵý jasady. Al «Halyq qazynasy: bir týyndy tarıhy» jobasy aıasynda saǵat 8-30-da halyqaralyq jáne respýblıkalyq baıqaýlardyń laýraty Asylbek Kenegesov «Serpinshi, elim» avtorlyq kúıiniń, saǵat 16:30-da Qazaqstannyń eńbek sińirgen qaıratkeri Ardaq Isataeva Birjan saldyń «Jonyp aldy» ániniń, saǵat 22:00-de QR mádenıet qaıratkeri Murat Ábýǵazy Baıserkeniń «Kósh toqtatqan» kúıiniń shyǵý tarıhy jaıynda oı qozǵaıdy. Saǵat 13:00-de QR Halyq ártisi Gúljan Tútkibaeva balet ártisterine arnalǵan klassıkalyq bı sabaǵyn ótkizse, saǵat 14-00-de Ulttyq jáne at sporty túrleri ortalyǵynyń dırektory Amanjol Hasenov báıge attary týraly, al 17-00-de QR BǴM R.Súleımenov atyndaǵy shyǵystaný ınstıtýty dırektorynyń orynbasary Laýra Erekesheva «Ejelgi Ortalyq Azııa ónerindegi solıarlyq, aı jáne astraldy belgiler men sımvolızm» taqyrybynda onlaın dáris oqıdy.
Munan bólek, saǵat 18-00-de bokstan Olımpıada oıyndarynyń júldegeri Vasılıı Levıtpen onlaın suhbat bolady. Al «Karantındegi juldyz» jobasy aıasynda keshki saǵat 21:00-de Ardaq Balajanova men Klara Tólenbaevanyń onlaın kontsertin tamashalaı alasyzdar.