Karantındegi Nur-Sultan men Almatyǵa kimder kirip-shyǵa alady

NUR-SULTAN. QazAqparat - Karantındegi Nur-Sultan men Almaty qalasyna kólikter men adamdar ákimdik tizimi boıynsha kirip-shyǵady. Bul týraly «Habar 24» telearnasynyń tikeleı efırinen QR Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.

«Sergek» júıesin jasaýshy kompanııa polıtsııa departamentiniń planshetterine arnaıy mobıldi qosymsha engizdi. Sol arqyly polıtsııa qyzmetkerleri blok-beketter arqyly kirip-shyqqan kólikter men adamdardy esepke alady», - dedi mınıstr.

Sondaı-aq onyń atap ótýinshe, osy mobıldi qosymsha kóliktiń nómiri men júrgizýshiniń ruqsat etilgen tizimde bar-joǵyn anyqtaýǵa múmkindik beredi.

«Bul tizimdi ákimdik jasaıdy. Tizimde mysaly, qalaǵa azyq-túlik, dári ákeletin adamdar men kólikter kirgiziledi. Al tizimde joq azamattar blok-beket arqyly óte almaıdy», - dedi Dáýren Abaev.