Karantındegi kásiporyndardy tekserý ýaqytsha toqtatylady

NUR-SULTAN. QazAqparat - Elimizde tótenshe jaǵdaıdyń aıaqtalýyna baılanysta salyq jáne keden tekserýleri jańartyldy. Bul rette kásipkerlik sýbektileriniń jumys jasaý rejımi eskeriletin bolady, dep habarlaıdy QazAqparat QR Qarjy mınıstrligi Memlekettik kirister komıtetiniń baspasóz qyzmetine silteme jasap.

«Eger de tekseriletin kásiporynnyń qyzmetkeri karantınge ketken bolsa, onda kásiporynnyń jumysy qaıta jandanǵan ýaqytqa deıin tekserý ýaqytsha toqtatylady. Bul rette kásipkerlik sýbektisine qujattardy usyný týraly talapnama tabys etiledi», delingen habarlamada.

Komıtettiń málimetinshe, búgingi tańda memlekettik kirister organdarynda 1 403 salyq jáne 382 kedendik tekserýi óndiriske alynǵan.

«Syrtqy ekonomıkalyq qyzmetke qatysýshylarmen tikeleı baılanysty azaıtý úshin, jergilikti jerlerde keden tekserýiniń basym bóligi kásiporynǵa barmaı-aq, qashyqtan júrgiziledi. Ondaı tekserý sany 60-tan asady», delingen habarlamada.

Sondaı-aq, kásipkerlerdi qoldaý maqsatynda Memlekettik kirister komıteti 2020 jyldyń ekinshi jartyjyldyǵyna salyq tekserýiniń kestesin jasaýdan bas tartqan.

«ıAǵnı 700-ge jýyq tekserý jasalmaıdy. Naqty buzýshylyq boıynsha ǵana jospardan tys tekserý júrgiziledi», delingen habarlamada.