Karantınde jumysy toqtaǵan bıznesti qoldaýdyń qosymsha sharalary bekitildi

NUR-SULTAN. QazAqparat - Qarjy naryǵyn retteý jáne damytý agenttigi Shaǵyn jáne orta kásipkerlik sýbektilerine qosymsha qoldaý sharalaryn kórsetý tártibin bekitti, dep habarlaıdy QazAqparat tilshisi.

«3 tamyzdan bastap qatań shekteý karantındik sharalarynyń uzartylýyna baılanysty QR Prezıdenti Q.Toqaevtyń tapsyrmasy boıynsha QR Qarjy naryǵyn retteý jáne damytý agenttigi qyzmeti shekteýli, tyıym salynǵan nemese karantın sharalaryn engizý nátıjesinde toqtatylǵan shaǵyn jáne orta kásipkerlik sýbektilerin qoldaýdyń qosymsha sharalaryn bekitti», delingen agenttik taratqan habarlamada.

Agenttik baspasóz qyzmetiniń málimetinshe, ShOK sýbektileri úshin bank qaryzy men shaǵyn nesıe sharttary boıynsha 2020 jylǵy 3 tamyzdan 1 qazanǵa deıin 60 kúnge keıinge qaldyrý múmkindigi beriledi.

«ShOK sýbektileriniń bank qaryzy jáne (nemese) mıkrokredıt sharttary boıynsha tólemderdi keıinge qaldyrý múmkindigin berý úshin kredıttik uıym sheshimdi qaryz alýshynyń ótinishi negizinde jáne qaryz alýshynyń qarjylyq jaı-kúıiniń nasharlaýyn rastaıtyn qujattardy berýin talap etpeı qabyldaıdy. Kredıttik uıymdary qaryz alýshynyń ótinishin 2 jumys kúni ishinde qaraýy tıis», delingen habarlamada.

Banktik qaryz nemese mıkrokredıt sharty boıynsha tólemdi keıinge qaldyrý, eger qaryz alýshynyń ótinishinde bereshekti óteýdiń basqa ádisi kórsetilmese, qaryz alýshynyń buryn merzimi keshiktirilgen tólem qaryz merzimi aıaqtalǵanǵa deıin tepe-teń bólý túrinde jańa tólem kestesin jasaý arqyly qamtamasyz etiledi.

Keıinge qaldyrýdy usyný tártibi mynadaı salalarda qyzmetin júzege asyratyn ShOB sýbektilerine qoldanylady:

jabyq jumys (azyq-túlik jáne azyq-túlikke jatpaıtyn naryqtardaǵy);

qalaaralyq avtobýstardyń (mıkroavtobýstardyń), qala mańyndaǵy jolaýshylar poezdarynyń (jumys poezdaryn qospaǵanda, elektrıchkalardyń) qozǵalysy, jalpy vagondardy qalyptastyrý;

3) avtobýs stansalary (avtovokzaldar);

4) oıyn-saýyq mekemeleriniń, kınoteatrlardyń, fýdkorttardyń, banket zaldarynyń;

5) meıramhanalardyń, barlardyń, túngi jáne ony klýbtarynyń jumysy;

6) turýdy uıymdastyrý boıynsha kórsetiletin qyzmetter;

7) densaýlyq saqtaý salasyndaǵy qyzmet;

8) týrıstik agenttikter men operatorlardyń qyzmeti;

9) ǵımarattarǵa qyzmet kórsetý jáne aýmaqtardy abattandyrý boıynsha qyzmet;

10) syıaqyǵa nemese sharttyq negizde jyljymaıtyn múlikpen jasalatyn operatsııalar;

11) mádenıet obektileriniń, murajaılardyń jumysy, konferentsııalar, kórmeler, forýmdar ótkizý;

12) mektepke deıingi uıymdardyń jumysy (jeke menshik, memlekettik tapsyryssyz);

13) jeke menshik orta bilim berý uıymdarynyń jumysy;

14) kópshilik is-sharalar (oıyn-saýyq, sporttyq, otbasylyq, estelik jáne basqa kópshilik is-sharalar, onyń ishinde úıde);

15) sport zaldarynyń, fıtnes-ortalyqtardyń, basseınderdiń, jaǵajaılardyń, akvaparkterdiń jumysy;

16) dinı obektilerdiń jumysy;

17) kosmetologııalyq qyzmet kórsetetin ortalyqtar men salondardyń jumysy;

18) kommertsııalyq qyzmetti qoldaýǵa baǵyttalǵan ofıstik ákimshilik jáne qosalqy qyzmet kórsetý salasyndaǵy qyzmet.

Ekonomıkanyń basqa salalary boıynsha ShOK sýbektisi 15 qyrkúıekke deıin qarjylyq jaı-kúıiniń nasharlaýyn rastaıtyn qujattardy qosa berip kredıt uıymyna ótinish jasaı alady. ShOK-tiń bul sanaty úshin ótinishterdi qaraý merzimi 10 jumys kúnine deıin qysqartylǵan. Kredıttik uıym jeke tártippen baǵalaýdy júzege asyrady jáne qarjylyq jaı-kúıi nasharlaǵan kezde keminde 90 kúnnen aspaıtyn merzimge kredıt boıynsha tólemderdi keıinge qaldyrýdy usynady.

Agenttiktiń 2020 jylǵy 3 tamyzdaǵy №311 buıryǵynyń tolyq nusqasymen myna siltemede tanysýǵa bolady.