Karantın jaǵdaıynda elordada mektep ashanasy qalaı jumys istep tur

NUR-SULTAN. QazAqparat – Pandemııaǵa baılanysty halyq ómirinde kóptegen ózgeris paıda boldy. Kúndelikti tirshilikke karantın engizilip, ortaq erejege baǵyný talaby qoıyldy. Shekteý sharalary bilim berý mekemelerin de aınalyp ótpedi. Mekteptiń jáne ondaǵy ashananyń jumysy qalaı uıymdastyrylǵan, ony kim qadaǵalaıdy? Osy jáne ózge de suraqtardyń jaýabyn QazAqparat tilshisi elordadaǵy №20 orta mektebiniń dırektory Bolat Bımendınnen surap bildi.

«Bizdiń mekteptiń ashanasy jeke kásipkerlik júıesimen jumys istep tur. ıAǵnı kásipker azyq-túlikti jetkizýge, as ázirleýge jáne onyń sapasyna tolyqtaı jaýapty. Bizdiń mektepke jaýapty kásipkerge kelsek, ol kisiniń mektep ashanasy salasynda 20 jyldyq eńbek ótili bar. ıAǵnı salanyń qyr-syryn biledi. Aldymen mektepte oqýshylardyń tamaqtaný protsesin uıymdastyrý úshin komıssııa quryldy. Onyń quramyna dırektor orynbasary, medıtsına qyzmetkeri jáne áleýmettik pedagog kiredi. Medıtsına qyzmetkeri kúndelikti aldyn ala daıyndalatyn astyń quramy men dámin tekserip otyrady. Árıne mektepte de, ashanada da sanıtarlyq talap qatań saqtalady. Ashanaǵa kelsek, balalardy burynǵydaı topyrlatyp kirgizbeımiz. Ashana ústelderi arasynda qashyqtyq rejimi saqtalǵan jáne ár synyp kezekpen tamaqtanady», - dedi mektep dırektory Bolat Bımendın.

Onyń aıtýynsha, oqýshylardyń qaýipsizdigin qamtý maqsatynda mektepte tamaqtanýdyń arnaıy kestesi jasalǵan. Ol boıynsha ár synyptan keıin ashanada 20 mınýt úzilis qarastyrylǵan.

«Elordalyq bas sanıtar dárigerdiń qaýlysyna sáıkes, mektep aýmaǵyna ata-analardyń kirýine tyıym salynǵan. Sondyqtanda ázirge ata-analar as qaýipsizdigin tikeleı baqylaı almaıdy. Negizi komıssııanyń quramynda ata-analar da bar. Mektepke kirýge ruqsat berilgennen keıin olar tamaq sapasyn qadaǵalaý protsesine qatysa alady. Ázirge ata-analar tarapynan mekteptegi asqa qatysty aryz-shaǵym bolmady. Odan bólek, tamaq qaýipsizdigi men jalpy mektepte sanıtarlyq talaptyń oryndalýyn epıdemıologııalyq qyzmet mamandary josparǵa saı tekserip otyrady. Aıtar bolsaq, jýyrda 23 qyrkúıek kúni sanepıdemııa qyzmetkerleri kezekti tekserýmen kelip ketti. Eskere ketken jón, epıdemıologııalyq qyzmet tarapynan tekserý josparǵa saı júrgiziledi, eger ata-ana nemese oqýshy tarapynan tamaqqa qatysty shaǵym tússe, onda jospardan tys shuǵyl tekserý ótedi», - deıdi ol.

Mektep basshysynyń málimetinshe, ashana mázirin elimizdiń Taǵamtaný ınstıtýty usynyp, ázirlep, qalalyq Bilim berý basqarmasy bekitedi.

Sondaı-aq, atalǵan mektep basshysy tamaq aqysy tólemine qatysty túsinik berip ótti.

«Bizdiń mektepte bıyldan bastap tamaq tólemin LRT kartasy arqyly júzege asyrý engizildi. Atalǵan tólem kartasynyń artyq tustaryna toqtalyp ótsem: bir kartamen bala tamaqtyń aqysyn da, avtobýs aqysyn da tóleı alady. Ekinshiden, kartadaǵy aqshaǵa ata-ana baqylaý júrgize alady. ıAǵnı balasy kúndelikti qansha aqsha jumsady jáne qaıda jumsaǵanyn mobıldi qosymsha arqyly bilip otyrady. Jarnama jasaǵanym emes, degenmen basqa bank kartalarynda mundaı múmkindik joq. Árıne, basqa kartamen tóleýge tyıym salynbaıdy. Biraq yńǵaılylyq úshin biz LRT kartasyn engizip jatyrmyz», - dedi B. Bımendın.

Aıta ketsek, atalǵan mektep elordadaǵy áriden kele jatqan bilim berý oshaqtarynyń biri. Eski mekteptiń ornyna jańa ǵımarat salynyp, ol 2019 jyly paıdalanýǵa berilgen. Búginde №20 mektepte 1500-deı oqýshy qazaq jáne orys tilinde bilim alyp jatyr.