Karantın: toı-tomalaq pen eske alý jıyndaryn ótkizgenderge 4 myńǵa jýyq hattama toltyrylǵan

NUR-SULTAN. QazAqparat – 2020 jyldyń 5 shildesinen bastap banketter men úılený toılarynyń, mereıtoılar men ólim-jitim naýqanynyń karantın talaptaryn saqtamaı ótkizilgeni úshin 3 935 ákimshilik quqyq buzýshylyq týraly hattama toltyrylǵan. QazAqparat tilshisiniń saýalyna bergen jaýabynda Sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova osylaı aıtty.

«Azamattardan karantın talaptaryn saqtamaǵan mekemeler men uıymdar, jekelegen azamattar týraly 575 shaǵym, aryz,, al mekemeler men uıymdardan jekelegen azamattardyń tártipke baǵynbaǵany týraly 20 shaǵym, aryz tústi.

2020 jyldyń 5 shildesinen bastap otbasylyq, eske alý is-sharalary (banketter, úılený toılary, mereıtoılar, eske alý) ótkizilgeni úshin 3 935 ákimshilik quqyq buzýshylyq týraly hattama toltyryldy», - deıdi komıtet basshysy.

Aıjan Esmaǵambetova karantın talaptaryn bineshe ret qaıtalap buzǵandardyń sany júzdep sanalatynyn aıtady.

«Qazirgi tańda karantın talaptaryn eskermeı, 2 jáne odan da kóp aıyppulǵa tartylǵan 507 óreskel buzýshylar anyqtalyp otyr. Onyń ishinde 481-i shaǵyn kásipkerlik obektileri, 4-i orta kásipkerlik obektileri bolsa, 22-si - jeke tulǵalar», - delingen jaýapta.

Komıtettiń statıstıkasyna súıensek, 2020 jyldyń 5 shildesinen bastap karantındik shekteýlerdi buzǵandardyń úsinen 38173 hattama toltyrylyp, 3 mlrd teńgeden astam aıyppul salynǵan.