Karantın talaptaryn buzǵandarǵa 35 mln teńge aıyppul salyndy - Almaty oblysy
«Almaty oblysynda koronavırýspen aýyratyndar qarǵyny 0,6% ósti. Sońǵy táýlikte 99 jaǵdaı tirkeldi. Infektsııalyq statsıonarlarlyń júktemesi 43%, al reanımatsııalyq tósek-orynnyń júktemesi 15%. Oblystaǵy medıtsınalyq uıymdar qajetti jabdyqtar jáne dári-dármektermen qamtylǵan», - deıdi Almaty oblysynyń ákimi Amandyq Batalov.
Onyń aıtýynsha, ınfektsııalyq statsıonarlardaǵy tósek-oryn sany – 412-ge kóbeıtilip, 1550-ge jetti.
«Oblysta 4 ahýaldyq ortalyq jumys isteıdi. Dárigerler kún saıyn aýyr naýqastar boıynsha keńes júrgizedi. Jyl basynan beri PTR test jasaıtyn zerthanalar 137 myń test ótkizdi. Oblysta aýrý deńgeıiniń ósýine baılanysty karantın rejımi kúsheıtildi. Almaty oblysy men Almaty qalasy arasynda halyqtyń kóp júrýine baılanysty qala mańyndaǵy Jambyl, Qarasaı, Talǵar, Eńbekshiqazaq, Іle aýdandardynda KVI-men aýyratyndar qatary birshama ósip ketti. Bul jerlerde karantın sharalarynyń kúsheıtilýi týraly qaýlylar qabyldandy. Koronavırýstyń órshýine baılanysty monıtoıng toptarynyń jumysy kúsheıtildi. 1 qańtardan bastap 6 797 reıd júrgizilip, 449 karantın rejıimn buzý jaǵdaıy anyqtaldy. 410 hattama toltyrylyp, 35 mln teńgeniń aıyppully salyndy», - deıdi ol.