Karantın talaptary qaıta kúsheıtilip jatqan Almaty oblysynda blokpostar qoıylmaıdy
23:43, 08 Maýsym 2020
TALDYQORǴAN. QazAqparat - Karantın talaptary qaıta kúsheıtilip jatqan Almaty oblysynda blok, sanıtarlyq postar qaıta qoıylmaıdy. Bul týraly óńirdiń bas memlekettik sanıtarlyq dárigeri Qaırat Baımuhambetov aıtty, dep habarlaıdy QazAqparat tilshisi.
Onyń sózinshe, qatańdatý sharalary túrli obektilerdiń jumys ýaqytyn qysqartýǵa ǵana áser etedi. Endi, bazarlar túski úshke deıin, dámhana syndy qoǵamdyq tamaqtaný oryndary túngi on birge deıin jumys isteıdi. Sondaı-aq, basseınder men sý burqaqtardyń jumysy toqtatylǵan.
Qazir Almaty oblysynda koronavırýs ahýaly 5,5 paıyzdy kórsetip tur. Al óńirde karantın talaptaryn jeńildetýdi bastaǵanda bul kórsetkish 2 paıyzdan ári aspaǵan.
Esterińizge sala keteıik, óńirde karantın talaptary qaıta kúsheıtilýi múmkin ekenin buǵan deıin h abarlaǵan bolatynbyz.