Karantın talabyn buzǵan Oral turǵyndary 3 mln teńge aıyppul tóledi

ORAL. QazAqparat - Batys Qazaqstan oblysynda «Ashyq» jobasy júzege asyryla bastaǵannan beri keıbir azamattardyń sanıtarııalyq-epıdemıologııalyq jaýapkershiliginiń tómen ekendigi baıqaldy.

Statıstıkalyq málimetter kórsetkendeı COVID-19-ben aýyrǵandar jáne olarmen baılanysta bolǵandar karantın talaptaryn saqtamaı, oqshaýlaý rejımin buzyp qoǵamdyq oryndarǵa barý jaǵdaılary tirkelý ústinde, dep habarlaıdy QazAqparat Sanıtarııalyq-epıdemıologııalyq baqylaý komıtetiniń málimetterine silteme jasap.

Komıtet taratqan málimetterge qaraǵanda, «Ashyq» qosymshasynyń derekteri boıynsha tamyz aıynda Batys Qazaqstan oblysynda adamdar kóp jınalatyn jerlerge eki aptaǵa oqshaýlaýǵa jatatyn 596 kelýshi anyqtalǵan.

Onyń ishinde «qyzyl» mártebesi bar-351, «sary» mártebesi bar – 245 adam. Úı karantınin buzýshylardyń eń kóbi Oral qalasynda tirkeldi. PTR-testiniń oń nátıjesi bar 237 azamat jáne juqtyrǵandarmen baılanysta bolǵan 137 adam oıyn-saýyq ortalyqtarynda, tamaqtaný oryndary, bazarlar men iri saýda jelilerine kirýge tyrysqan.

Anyqtalǵan zańbuzýshylyqtar boıynsha ÁQBtK-niń 425-baby 1-bóligi boıynsha 2 683 640 teńge kóleminde 62 ákimshilik hattama toltyryldy.