Karantın talabyn buzǵan 114 almatylyq ákimshilik jaýapqa tartyldy

ALMATY. QazAqparat - Karantın talabyn buzǵan 114 almatylyqqa aıyppul salyndy, dep habarlaıdy QazAqparat tilshisi.

Almaty qalalyq Sanıtarlyq-epıdemıologııalyq baqylaý departamenti «qyzyl» mártebesi bar ereje buzýshylardyń tizimin jarııalady.

«Ashyq» qosymshasy arqyly 14 kúndik úı karantınin buzǵan 114 turǵyn anyqtaldy. Olardyń bári ákimshilik jaýapqa tartyldy. Olar 30 AEK kóleminde aıyppul tóleıdi», -dep atap ótti departamentten.

Aıta keteıik, megapolıste epıdemıologııalyq ahýal kúrdeli. Qala «qyzyl» aımaqta tur. Sońǵy týálikte koronavırýs ınfektsııasyn 1507 adam juqtyrdy.

Sonymen qatar, monıtorıng toptary kúsheıtilgen rejımde jumys istep jatyr.

Qoǵamdyq kólikterde maska rejımin saqtamaǵandar aıyppul tóleıdi.