Karantın: Shymkentte 150 adam jınalǵan toı taratyldy
Eńbekshi aýdanynyń polıtseıleri Sh.Ýalıhanov kóshesi boıynda ornalasqan toıhananyń karantın talaptaryn saqtamaı, toı ótkizip jatqany týraly habarlama alǵan.
Tártip saqshylary toıhanaǵa barǵanda, onda epıdahýalǵa qaramaı «Mereı toı» ótkizilip jatqany belgili bolǵan. Sonymen qatar, saltanat saraıynyń qyzmetkerleri kelgen qonaqtardyń dene qyzýyn teksermeı, kirgizgeni anyqtalǵan. Al, daıashylar toıhana ishinde medıtsınalyq maskasyz qyzmet kórsetken.
«Atalǵan jaıt boıynsha, toıhana ákimshisi men toı ıesine QR ÁQBtK-niń 425 -babymen (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) shara qoldaný úshin Shymkent qalasynyń sanıtarlyq-epıdemıologııalyq baqylaý departamentine joldandy» delingen qalalyq Polıtsııa departamentiniń habarlamasynda.