Karantın: ShQO-da shekteý sharalaryn saqtamaıtyndar azaıar emes
Óńirde arnaıy qurylǵan monıtorıngilik toptar shekteý sharalarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saıyn reıdter júrgizýde.
«Óskemende ótken táýlikte monıtorıngtik toptar 178 nysandy tekserdi. Oblystyń bas sanıtarlyq dárigeri belgilegen sanıtarlyq-epıdemıologııalyq talaptardy buzýdyń 9 faktisi tirkelgen. Kelýshilerge maskasyz qyzmet kórsetken dúken satýshylaryna 218 775 teńge mólsherinde aıyppul salyndy. Al Semeıde 319 obektige tekserý júrgizilgen. Tekserýler kezinde 13 buzýshylyq tirkeldi. Onyń ishinde saýda úılerinde, bazarlarda maska taqpaǵandar jáne buqaralyq is-shara uıymdastyrǵandar boldy. 175 020 teńge somasyna 4 hattama toltyrylǵan», - delingen ShQO Aqparat ortalyǵy taratqan málimette.
Sonymen qatar Rıdder qalasynda 5 reıd ótkizilip, sonyń barysynda monıtorıngtik top músheleri 72 nysandy aralady. Maska rejımin saqtamaýdyń 3 faktisi tirkelgen.
Kýrchatov qalasynda 33 kásipkerlik nysany tekserilip, 1 buzýshylyq anyqtaldy. Glýbokoe aýdanynda ótken táýlikte 122 obektige 18 reıd júrgizilgen. Dalada maska taqpaı júrgen turǵynǵa 43 755 teńge mólsherinde aıyppul salyndy.