Karantın saldarynan qaı óńir turǵyndary tabysyn kóp joǵaltty

NUR-SULTAN. QazAqparat - QR Eńbek jáne halyqty áleýmettik qorǵaý mınıstri Birjan Nurymbetov karantın saldarynan qaı óńir turǵyndary tabysyn kóp joǵaltqanyn aıtty, dep habarlaıdy QazAqparat tilshisi.

«Muny jumyspen qamtý organdaryna tirkelgen tulǵalar sanyna baılanysty qadaǵalap otyrýǵa bolady. Atalǵan organdardyń deregine sáıkes, jumyssyz retinde tirkelgenderdiń paıyzdyq úlesi Túrkistan men Almaty oblysynda joǵary bolyp tur», - dedi mınıstr Ortalyq kommýnıkatsııalar qyzmetindegi brıfıng barysynda.

Degenmen, onyń atap ótýinshe, karantın saldarynan iri qalalardyń turǵyndary arasynda kirisinen aıyrylǵandardyń sany óte kóp.

«Karantın shekteýlerine, indetke baılanysty jumysynan aıyrylǵan adamdardy baǵalaý turǵysynan alar bolsa, onda saýda jáne qyzmet kórsetý salasynda jumys isteıtin adamdardyń kópshiligi tabyssyz, jumyssyz qaldy. Al olardyń basym bóligi Almaty, Nur-Sultan jáne Shymkent qalalarynda tirkelgen», - dedi Birjan Nurymbetov.