Karantın rejimin buzý faktileri azaıdy – Ádilet mınıstri
«28 naýryzda karantın sharalaryn buzǵany úshin 476-bap boıynsha el aýmaǵynda sottar 124 adamdy jaýapkershilikke tartty. Al 29 naýryzda 33 adamǵa qatysty tıisti sheshim shyǵaryldy. Bul turǵyda qabyldanǵan sharalardyń nátıjesin baıqaýǵa bolady», - dedi M. Beketaev Habar 24 telearnasynda ótken onlaın brıfıngide.
Onyń sózine qaraǵanda, el turǵyndary arasynda karantın rejimin buzý faktileri tómendedi.
«Adamdar tarapynan tártipti buzý azaıyp keledi. Osy oraıda óziniń ári janyndaǵy adamdardyń qaýipsizdigine jaýapkershilikpen qarap otyrǵan bizdiń azamattarǵa rızashylyǵymyzdy bildiremiz», - dedi Marat Beketaev.
Budan buryn habarlanǵandaı, QR Ádilet mınıstri Marat Beketaev kúsheıtilgen karantın rejimindegi jańa mindetterge qatysty pikir bildirdi.
Sonymen qatar, Ádilet mınıstriligi karantın kezinde kóshege sportpen shuǵyldanýǵa shyǵatyndarǵa qatysty túsinik berdi.