Karantın rejımin buzǵan qostanaılyqtar 34 mln teńgege jýyq aıyppul tóledi
Qostanaı oblysynda karantın talaptarynyń jeńildetilgenine qaramastan monıtorıngilik toptardyń jumysy jalǵasýda.
«Jyl basynan Qostanaı oblysynyń monıtorıngilik toptary 22 750 nysandy tekserip, karantın talaptaryn buzýdyń bes júzden astam oqıǵasyn anyqtady. Osy rette ákimshilik jaýapkershilikke 473 adam tartyldy. Salynǵan aıyppuldyń jalpy somasy 33 919 698 teńgeni qurady. Onyń 6 219 876 teńgesi 130 jeke tulǵaǵa jappaı is-sharalar ótkizgeni, qoǵamdyq oryndarda betperdeni kımegeni úshin salyndy.
Óńirdiń Sanıtarııalyq-epıdemıologııalyq baqylaý departamenti karantın rejımi kezinde belgilengen talaptardy oryndamaǵan azamattardyń jaýapkershilikke tartylatynyn taǵy da eskertedi», - delingen QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııa aqparatynda.