Karantın rejımin buzǵan bes adamǵa 87 myń teńge aıyppul salyndy

NUR-SULTAN. QazAqparat – Karantın rejımin buzǵan 5 adamǵa 87 myń teńge aıyppul salyndy. Bul týraly QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Іs júzinde búginde sanıtarlyq talaptardy oryndamaıtyndar - el turǵyndary densaýlyǵyna shynaıy qaýip tóndiretin toptaǵy adamdar. Osyǵan oraı Densaýlyq saqtaý mınıstrligi karantın rejımin buzǵandarǵa ákimshilik aıyppul salýdy qarastyratyn qosymsha ereje qabyldady», - dedi Úkimet basshysynyń orynbasary Ortalyq kommýnıkatsııalar qyzmetindegi brıfıngte.

Onyń atap ótýinshe, aıyppuldyń somasy 30 aılyq eseptik kórsetkishti, ıaǵnı, 87 510 teńgeni quraıtyndy.

«Búginde 19 adamǵa qatysty ákimshilik is qozǵaldy. Onyń ishinde 5 adamǵa qazirgi ýaqytta aıyppul salyndy. Bul jumys jalǵasatyn blady. Barlyq ereje buzýshylar ákimshilik jaýapkershilikke tartylady», - dedi Eraly Toǵjanov.