Karantın: Reseı meıramhanalary jańa tártippen jumys isteı bastady

NUR-SULTAN. QazAqparat – 28 maýsymnan bastap Máskeýdegi qoǵamdyq tamaqtaný oryndary jańa tártippen jumys isteı bastady, dep habarlaıdy QazAqparat TASS aqparat agenttigine silteme jasap.

«Bul júıe óte ońaı: kásipkerler i.moscow portalynda COVID-free formatynda jumys istegisi keletini jaıly ótinim qaldyryp, odan keıin kelýshilerdiń vaktsınalanǵanyn dáleldeıtin anyqtama nemese sońǵy jarty jylda koronavırýspen aýyrǵanyn rastaıtyn fakt ne PTR-testilerin alǵandaryn rastaıtyn QR-kodtar arqyly ǵana kirgizedi. Bul talapty oryndaǵan mekeme kúndiz de, túngi ýaqytta da jumys isteı alady, ondaǵy turǵan ústelder bir-birinen 1,5 metr ara qashyqtyqta turyp, kelýshilerge ishinde maska men qolǵap kııý talaptary qoıylmaıdy», - dep túsindirip ótti Máskeý qalasy meri men úkimet basshysynyń birinshi orynbasary Alekseı Nemerıýk.

Mekemelerdegi daıashylar, hostes, barmender jáne zalda kelýshilermen birge júrgen basqa da qyzmetkerler qolǵaptary men maskalaryn sheshpeı júredi.

Ol qoǵamdyq tamaqtaný oryndarynyń qyzmetkeri QR-kodty birneshe sekýndta tekserip shyǵa altynyn naqtylady: smartfon kamerasyn kodqa aparý kezinde ekran betinde sertıfıkattyń jaramdy ekeni týraly aqparat, ıesiniń tolyq aty-jóni jáne tólqujattaǵy birneshe tsıfry kórsetiledi.

Jazǵy verandalar óz mekemeleriniń rejımi boıynsha jumys isteıdi.