Karantın: Polshada shashtarazdar men sulýlyq salondary jabylady

NUR-SULTAN. QazAqparat - Vedomstvoaralyq komıssııa koronavırýs pandemııasyna qatysty álem elderi engizip jatqan karantın shekteýleri týraly sońǵy aqparatty jarııalady, dep habarlaıdy QazAqparat.

Ótken senbiden bastap Polshada qosymsha shekteýler engizildi, olar kem degende eki aptaǵa sozylady. Elde úlken kólemdegi turmystyq dúkender jabylýda, qalǵan saýda ortalyqtarynda satyp alýshylar sanyna qatań shekteýler engizilýde. Shashtarazdar men sulýlyq salondary jabylady, al balabaqshalardy tek dárigerlerdiń, áskerı qyzmetshilerdiń, polıtsııa men órt sóndirýshilerdiń otbasylary ǵana paıdalana alady.

Belgııada senbiden bastap turmystyq zattar dúkenderine tek aldyn-ala jazylý arqyly kirýge bolady. Sulýlyq salondary men shashtarazdar tolyǵymen jabylǵan. Al dúısenbiden bastap balabaqshalardan basqa barlyq oqý oryndary qashyqtan jumys isteý rejımge kóshedi. Ótken aptada Belgııada indettiń juǵý qarqyny 40% ósken.
Portýgalııada oqytýshylar, muǵalimder men balabaqsha tárbıeshilerin AstraZeneca vaktsınasymen egý bastaldy. Atalǵan preparatty qoldaný ótken dúısenbiden bastap qaıta bastaldy. El bıligi jańa egý ortalyqtarynyń ashylýymen vaktsınatsııany jedeldetý arqyly shekteý sharalaryn birtindep jeńildetýge úmittenip otyr, biraq ázirge tótenshe jaǵdaı rejımi taǵy bir ret uzartyldy.