Karantın: Pavlodar oblysyndaǵy kýrorttar jumysyn qaıta bastaıdy

PAVLODAR OBLYSY. QazAqpart - Óńirdiń bas sanıtarlyq dárigeriniń jańa qaýlysy 14 tamyzda tún ortasynda kúshine enedi, dep habarlaıdy Pavlodarnews.kz.

«Sanıtarlyq-dezınfektsııalyq rejımniń kúsheıtilgen rejımin, áleýmettik qashyqtyqty jáne maska taǵý rejımin saqtaı otyryp, qýattylyǵy 50%-dan aspaıtyn sanatorlyq-kýrorttyq maqsattaǵy obektilerdiń, týrıstik bazalardyń demalys úıleriniń jáne basqalardyń jumysy qaıta bastalsyn», - delingen Pavlodar oblysynyń bas dárigeri Batyrbek Álıevtiń qaýlysynda.

Sondaı-aq, qujat týrıstik nysandardaǵy jaǵajaılardyń jumys isteýine múmkindik beredi: qonaq úıler, sanatorııler, pansıonattar, demalys úıleri jáne týrıstik bazalar aldyn-ala jazylý boıynsha 10:00-den 20:00-ge deıin jumys i steıdi Bul jaǵdaıda jaǵajaıda demalýshylar arasyndaǵy qashyqtyq tórt metrden kem bolmaýy kerek.
Eki apta ishinde mamandar monıtorıng júrgizedi, eger karantındik sharalar saqtalmasa, bul ruqsattar qaıtarylyp alynady.
Pavlodar oblysynyń taýarlar men qyzmetterdiń qaýipsizdigin baqylaý departamentinde naqtylaǵandaı, qala jaǵajaılary, sonyń ishinde Pavlodar jaǵalaýy jumys istemeıdi.