Karantın: Ordabasyda 100 adamnyń basyn qosyp, kókpar bergen

ORDABASY. QazAqparat - Túrkistan oblysynda karantınge qaramastan kókpar uıymdastyrý derekteri tyıylmaı otyr, dep habarlaıdy QazAqparat.

Ordabasy aýdandyq polıtsııa bóliminiń qyzmetkerleri kúndelikti reıd júrgizýde.

Osyndaı kezekti reıd barysynda Jetisaı aýdanynyń turǵyny karantın talaptaryn saqtamaı, 100-ge jýyq adamdy jınap, kókpar ulttyq oıynyn ótkizip jatqany anyqtaldy.

Tártip saqshylary «kókpar» oıynyna qatysýshylardy dereý toqtatyp, olarmen karantındi buzýǵa jol bermeý týraly túsindirý jumysyn júrgizdi.

Osy sharany uıymdastyrýshyǵa qatysty QR ÁQBtK 425-baby boıynsha ákimshilik hattama toltyryldy.

Jınalǵan materıaldar zańdy sheshim qabyldaý úshin Jetisaı aýdandyq sanıtarııalyq-epıdemıologııalyq ortalyǵyna joldandy.

Óz kezeginde polıtseıler Túrkistan oblysynyń turǵyndary men qonaqtaryn karantın rejımi men sanıtarlyq-epıdemıologııalyq normalardyń talaptaryn buzbaýǵa shaqyrady.

Bazar, dúken jáne basqa da adam kóp jınalatyn jerlerge barǵanda, qoǵamdyq kólikte medıtsınalyq betperde kıip, antıseptık paıdalaný jáne áleýmettik qashyqtyqty saqtaý qajet.