Karantın: Nur-Sultanda blokposttar qaı jerlerge qoıylady
«Nur-Sultan qalasyna avtokólik quraldarynyń kirýine jáne shyǵýyna shekteý engizildi. Qalaǵa kiretin barlyq jerler jabylyp, 6 arnaıy qadaǵalaý beketi qoıyldy. Olarda táýlik boıy Qorǵanys mınıstrliginiń áskerlerimen birge polıtsııa qyzmetkerleri jumys isteıdi. Beketter elorda mańyndaǵy Jibek joly, Qosshy, Talapker, Qaraótkel, Qoıandy aýyldarynyń mańynda ornalasqan», - dedi departament basshysy Ortalyq kommýnıkatsııalar qyzmetinde.
Sonymen birge, Almaty, Kókshetaý, Qostanaı, Pavlodar qalalary men Aqmola oblysynyń Qorǵaljyn jáne Qabanbaı batyr aýyldary syndy barlyq baǵyttaǵy avtojoldarda qozǵalys shekteledi.
«Buǵan deıin qala aýmaǵynan shyǵyp ketip, qaıta oralǵan Nur-Sultan qalasynyń turǵyndaryna ǵana basymdyq beriledi. Bul rette ózimizdiń tirkeý esepterimiz arqyly tekseremiz, eger tirkeý jáne kýálandyratyn qujattar bolsa, qalaǵa kirýge ruqsat berilýi múmkin. Mundaı sharalar azamattardyń qaýipsizdigin qamtamasyz etý jáne halyqtyń densaýlyǵyn saqtaý úshin qajet», - dedi E. Sádenov.
Osyǵan deıin karantın jarııalanǵan Nur-Sultan men Almaty qalalaryna blokposttar qoıylyp, kólik pen azamattardyń qozǵalysy shekteletini habarlanǵan edi.
Eki megapolıske kirip-shyǵýǵa ruqsat berilgenderdiń tizimin ákimdikter anyqtaıdy.