Karantın kezinde toltyrylǵan negizsiz jazany sotta qaraýǵa bolady – Marat Beketaev

NUR-SULTAN. QazAqparat – Karantın rejimin buzǵany úshin berilgen negizsiz jazany sotta qaraýǵa bolady. Bul týraly QR Ádilet mınıstri Marat Beketaev málim etti, dep habarlaıdy QazAqparat tilshisi.

«Eger de kúdik bolǵanymen, hattama toltyrylyp jatsa, onda budan tragedııa jasaýdyń qajeti joq. Karantın rejimin buzý - ol mindetti sotta qaralatyn quqyqbuzýshylyqqa jatqyzylǵan. Qashyqtan bolsa da, sotta qaralady», - dedi M. Beketaev Habar 24 telearnasynda ótken onlaın brıfıngide.

Onyń sózine qaraǵanda, hattama toltyrylǵan kezde polıtseıden bul ákimshilik is qaı sotta qaralatynyn suraý kerek.

«Keıinnen sotqa ózińizdiń dálelderińizdi usyný kerek, buǵan qosymsha ýaqyt beriledi. Sot naqty istegi barlyq jaǵdaıdy eskere otyryp sheshim qabyldaıdy», - dedi mınıstr.

Budan buryn habarlanǵandaı, QR Ádilet mınıstri Marat Beketaev kúsheıtilgen karantın rejimindegi jańa mindetterge qatysty pikir bildirdi.