Karantın qazaqstandyqtardyń emıgratsııalyq kórsetkishin baıaýlatty

NUR-SULTAN. QazAqparat – Karantın Qazaqstan halqynyń emıgratsııasyn baıaýlatty. Bıylǵy birinshi toqsanda qonys aýdarǵandardyń sany 12 paıyzǵa qysqardy, dep habarlaıdy QazAqparat finprom.kz saıtyna silteme jasap.

«Bıylǵy qańtar-naýryz aralyǵynda elden 7,3 myń adam ketip, bul kórsetkish ótken jyldyń sáıkes kezeńine qaraǵanda 12,1 paıyzǵa az boldy. Sonymen qatar, 2020 jyldyń atalǵan kezeńinde Qazaqstanǵa kelgenderdiń sany 34,4 paıyzǵa artyp, 4,3 myń adamdy qurady», - delingen taratylǵan aqparatta.

Óńirler boıynsha qarastyrsaq, elden qonys aýdarǵandardyń kóbisi Shyǵys Qazaqstan oblysynan tirkeldi, ıaǵnı 1,2 myń adam boldy. Qostanaı oblysynan 917 adam, Pavlodar oblysynan 857 adam turǵylyqty jerin aýystyrdy, sondaı-aq Qaraǵandy men Soltústik Qazaqstan oblystarynda bul kórsetkish sáıkesinshe 830 jáne 728 adamdy qurady.

Olardyń kóbisi Reseıge barǵan (6,4 myń adam), al Germanııaǵa - 456 adam, Ózbekstanǵa 115 adam qonys aýdarǵan. Bul turǵyda TOP-5 eldiń qataryna AQSh (106 adam) pen Belarýs (51 adam) endi.