Karantın: Eýropa elderinde jaǵdaı ýshyǵyp tur

NUR-SULTAN. QazAqparat – Eýropanyń birqatar elinde koronavırýsqa qatysty ahýal ýshyǵyp tur, dep habarlaıdy QazAqparat QR Úkimeti janyndaǵy VAK jumysynyń telegram kanalyna silteme jasap.

Italııadatáýligine koronavırýs ınfektsııasyn juqtyrǵandardyń sany 41 myńǵa artty. COVID-19-ben aýyrǵan 550 naýqas qaıtys boldy. Kampanııa jáne Toskana oblystary «qyzyl aımaqqa» endi. Elde «qyzǵylt sary aımaqtardyń» qatary da keńeıip keledi. Memlekettiń densaýlyq saqtaý júıesi kóp aýyrtpalyq túsýde.

Ispanııada sońǵy táýlik ishinde 21 myńnan astam COVID-19 juqtyrǵan adam anyqtaldy. Syrqattaný kórsetkishi 100 myń turǵynǵa shaqqanda 498 jaǵdaıdy qurady. Bul el úkimet belgilegen shekteý engiziletin shekti mán.
Ulybrıtanııa aýrýhanalarynda COVID-19-dan 15 myńǵa jýyq adam emdelýde. Koronavırýstyń kóbeıý koeffıtsıenti báseńdep 1-den 1,2-ge deıingi aralyqta. El bıligi vırýstyń taralý jyldamdyǵy tómendeı bastaǵanyna qaramastan, shekteýlerdi jeńildetilýi bul úrdiske teris áser etýi múmkin dep esepteıdi.
Frantsııada ahýaly nashar COVID-19 naýqastarynyń sany 4900-den aspaıdy. Jalpy elde kóleminde aýyr naýqastarǵa arnalǵan 7700 tósek bar. Olardyń úshten ekisi bos emes. El bıligi qajettilik týyndasa, eldegi qarqyndy terapııadaǵy oryndardyń sanyn 10400-ge deıin kóbeıtýge bolatyndyǵyn aıtady. El úkimeti karantındik sharalardyń jeńildetilmeıtindigin jetkizdi.
Aýstrııada qaıtadan ulttyq karantın engizilýde. Seısenbiden bastap dalaǵa tek oryndy sebeptermen shyǵý múmkin bolady. Mektepter qashyqtyqtan oqytýǵa kóshedi, qyzmet kórsetý kásiporyndary men dúkenderdiń kópshiligi jabylady.