Karantın: Elordada toı, qudalyq jasaǵandar jazalanbaq

NUR-SULTAN. QazAqparat – Elordada shekteýge qaramastan toı jasaǵandar anyqtaldy, dep habarlaıdy QazAqparat.

«Shekteý jasaý sheshimine qaramastan, qala turǵyndary Qaýyly talaptaryn elemeı keledi. Bul rette «El Plaza» banket zalynda úılený toıyn ótkizgender anyqtaldy. Ǵımaratta karantın shekteýlerin elemeı, kóńil kóterip júrgen 150-den astam qonaq bolǵan. Mobıldi top tekserýge baryp, osy jaǵdaıdy anyqtady», - delingen Polıtsııa departamenti baspasóz qyzmetiniń málimetinde.

Sol kúni úılený toıy men qudalyq ótkizgen «Baqsarai» men «Arman» banket zaldary da meımanǵa toly bolǵan. Osy faktilerdi eskere otyryp, nysan ıelerine qatysty materıal jınaqtalyp, ókiletti organǵa joldandy.

Jalpy, demalys kúnderi mobıldi top 107 kásipkerlik nysanyn tekserip, karantın talabyn buzýdyń 33 jaǵdaıyn anyqtady.