Karantın: Elorda mańyndaǵy aýdandarda qosymsha shekteýler engiziledi

KÓKShETAÝ. QazAqparat - Aqmola oblysynyń bas memlekettik sanıtarlyq dárigeri Aınagúl Mýsına jýrnalıstermen ótkizgen brıfıngte elorda mańyndaǵy aýdandardyń turǵyndaryn qandaı ózgerister kútip turǵanyn málimdedi, dep habarlaıdy QazAqparat tilshisi.

A.Mýsınanyń aıtýynsha, qazirgi ýaqytta Aqmola oblysynda koronavırýstyq ınfektsııamen syrqattanýshylyq boıynsha epıdemıologııalyq jaǵdaı salystyrmaly túrde turaqty. 15 maýsymnan bastap óńir «jasyl» aımaqta ornalasqan. Sońǵy aptada tirkelgen jaǵdaılardyń sany 1,2 ese azaıdy. ıAǵnı, 295-ten 246-ǵa deıin, bul 50 jaǵdaıǵa az.

«Táýligine 40 jańa COVID-19 jaǵdaıy tirkeledi. Alaıda, búgingi tańda Qostanaı, Pavlodar oblystarymen shektesetin aýdandarda COVID-19 juqtyrǵandar sanynyń ósýi baıqalady. Sonymen qatar, Koronavırýstyq ınfektsııanyń taralý qarqyny boıynsha áli de «qyzyl» aımaqta turǵan Nur-Sultan qalasynan halyqtyń qatynaýy saqtyqty jáne epıdemıologııalyq jaǵdaıdyń nasharlaýynan qorǵanýdy talap etedi», - dep atap ol.

Brıfıngte aıtylǵandaı, elorda mańyndaǵy aýdandarda oblystyń basqa óńirlerimen salystyrǵanda vırýstyń taralý deńgeıi joǵary. Máselen, maýsym aıynda Arshaly aýdanynda - 83, Tselınograd aýdanynda - 90, Aqkól aýdanynda - 40, Shortandy aýdanynda - 24 jaǵdaı tirkelgen.

Óńirdiń bas memlekettik sanıtarlyq dárigeriniń aıtýynsha, 27 maýsymnan bastap jańa qaýlymen Aqmola oblysynyń tórt astanalyq óńiri - Tselınograd, Shortandy, Aqkól jáne Arshaly aýdandary úshin qosymsha shekteý karantındik sharalary engiziledi.

Sonymen, bul aýdandar úshin ne ózgeredi?

Saýda-oıyn-saýyq ortalyqtary, saýda úıleri, saýda ortalyqtary, azyq-túlik emes dúkender 27 maýsymnan bastap saǵat 10-nan 22-ge deıin jumys isteıdi. «Ashyq» jobasyna qatysatyn nysandardy qospaǵanda, balalar oıyn alańdary men attraktsıondarynyń qyzmetine tyıym salynady. Dámhana, meıramhanalar, dúkender janyndaǵy barlar jáne t.b. úlgidegi qoǵamdyq tamaqtaný nysandary (úı-jaıda) 50 paıyzǵa deıin toltyrylǵan jaǵdaıda, saǵat 07:00-den 20:00-ge deıin jumys rejımi bar 50 orynnan aspaıtyn jaǵdaıda jumys isteıtin bolady. 20:00-den 07:00-ge deıin osy nysandardyń ónimdi jetkizýge ótkizýine ǵana jol beriledi. Senbi jáne jeksenbi kúnderi fıtnes-ortalyqtar, ıoga-ortalyqtar, jattyǵý zaldary men sporttyq-saýyqtyrý ortalyqtary, basseınder, jabyq azyq-túlik emes bazarlar jumysyn toqtatady. Senbi kúni Qazposhta da, HQKO da jumys istemeıdi. Jeksenbi kúnderi qoǵamdyq kólik jumysyn toqtatady (bar bolsa). Eger uıymnyń shtat kestesinde 20-dan astam qyzmetker bolsa, olardyń keminde 80 paıyzy qashyqtyqtan jumys isteýge kóshýi kerek.

Sonymen birge, A.Mýsına aqmolalyqtardy barlyq karantındik sharalardy saqtaýǵa shaqyrdy jáne olar saqtalmaǵan jaǵdaıda óńirdegi jaǵdaı kez kelgen ýaqytta nashar jaqqa ózgerýi múmkin ekenin eske saldy.