Karantın: Elimizde 80-nen astam nysannyń qyzmeti ýaqytsha toqtatyldy

NUR-SULTAN. QazAqparat - Karantın rejımin buzǵany úshin 80-nen astam nysannyń qyzmeti ýaqytsha toqtatyldy, dep habarlaıdy QazAqparat DSM Sanıtarııalyq-epıdemıologııalyq baqylaý komıtetine silteme jasap.

Shekteý rejımin saqtamaýǵa qatysty faktiniń basym bóligi – karantın kezinde qyzmetine tyıym salynǵan nysandardyń jumys isteýi, shekteý rejımin saqtamaý, buqaralyq is-sharalardy ótkizý.

«1 qańtar men 5 maýsym aralyǵynda monıtorıng toptary 97 885 reıd júrgizip, 603 352 nysandy tekserdi. Atalmysh sharalardyń nátıjesinde 16 493 nysannyń (2,7%) karantın talaptaryn buzǵany anyqtaldy. Shekteý rejımin buzý oqıǵalary negizinen Shyǵys Qazaqstan (4052), Túrkistan (2600), Almaty (1023) oblystarynda jáne Almaty (2264), Shymkent (1743) qalalarynda anyqtalǵan», delingen habarlamada.

Komıtettiń málimetinshe, karantın talaptaryn buzǵany úshin 9,4 myń shaǵyn jáne orta bıznes ıesi, 6,9 myń jeke tulǵa ákimshilik jaýapkershilikke tartyldy. Salynǵan aıyppuldyń jalpy somasy 1,3 mlrd teńgeden asady.