Karantın: Almatyda úılený toıyna jınalǵandar taratyldy
25 tamyzda qalanyń Naýryzbaı aýdanyndaǵy «Samır» meıramhanasynda tekserýshiler kóp qonaq shaqyrylǵan úılený toıyn toqtatty. Bul fakt boıynsha materıal jınaldy, toıdy uıymdastyrýshylar ákimshilik jaýapqa tartylady.
Tamyzdyń 24-nen 25-ine qaraǵan túni monıtorıng tobynyń ókilderi qalada karantın talaptaryn buzǵan 17 faktini anyqtady.
1 qańtardan 25 tamyzǵa deıingi aralyqta 36 228 mekeme tekserildi. 3 390 nysanda karantın talabyn saqtamaý anyqtaldy. 5 457 hattama toltyryldy. Onyń ishinde zańdy tulǵalarǵa shamamen 199 mln teńgege aıyppul salyndy. Jeke tulǵalarǵa qatysty maska rejımin buzǵany úshin shamamen 215 mln teńgege 4 892 hattama jasaldy.
Karantın erejelerin júıeli túrde buzǵany úshin mamandandyrylǵan aýdanaralyq ákimshilik sottarǵa 75 is jiberildi, 65 is boıynsha qyzmetti toqtatý týraly sheshim qabyldandy.
Qazirgi ýaqytta Almaty qalasynyń sottary turaqty tártip buzýshylarǵa qatysty 8 isti qarap jatyr.