Karantın: Almatyda toıdan 40 adam shyǵaryldy
Almaty qalasy Jetisý aýdanynyń monıtorıng toby ókilderi 11 qyrkúıekte «Danııar» meıramhanasynda zań buzýshylyqty anyqtady. Bankentte 40-qa jýyq adam bolǵan. Atalǵan fakti boıynsha sanıtarlyq-epıdemıologııalyq baqylaý departamentine tapsyrý úshin ákimshilik materıal jınaldy.
Almatyda 9-12 qyrkúıek aralyǵynda zańdy tulǵalardyń 34 karantındik sharalardy buzǵany anyqtaldy.
Qazir qalada 40 monıtorıng toby kúsheıtilgen rejımde jumys jasap jatyr.
Jyl basynan beri 39 051 nysan tekserildi, karantındik sharalardy buzǵan 3 708 mekeme anyqtaldy. 5 847 hattama jasaldy, onyń ishinde zańdy tulǵalarǵa 220 165 910 teńge somasynda 628 hattama, jeke tulǵalarǵa qatysty maska rejımin buzǵany úshin 229 655 410 teńge somasynda 5 219 hattama toltyryldy.
Karantındi jıi buzýshylarǵa qatysty 76 is sotqa berildi, onyń ishinde 67 materıal boıynsha qyzmetti toqtatý týraly sheshim qabyldandy.
Sonymen qatar, bul kúnderi monıtorıng toptary 108 avtobýs pen trolleıbýsta maska rejıminiń saqtalýyn tekserdi.
Aıta keteıik, juqtyrýdyń tómendeýine qaramastan, Almatyda halyq jappaı jınalatyn barlyq is-sharalarǵa tyıym salynǵan. Qala turǵyndary men qonaqtary banketterge, úılený toılaryna barmaǵandary jón, óıtkeni bul jerde koronavırýs ınfektsııasynyń sımptomsyz tasymaldaýshylary bolýy múmkin.