Karantın: Almatyda qudalyq toqtatyldy

ALMATY. QazAqparat - Almatydaǵy meıramhanalar men dámhanalarda bir táýlikte 20 karantın rejıminiń buzylǵany anyqtaldy, dep habarlaıdy QazAqparat tilshisi.

Qazirgi tańda koronavırýs indetine baılanysty megapolıste karantın rejımi engizilgeni belgili. Osyǵan qaramastan, Almatydaǵy oıyn-saýyq mekemelerinde túrli sharalar ótip jatyr. Restoratorlar belgilengen jumys ýaqytyn elemeıdi. 21-23 tamyz aralyǵynda jınalǵan materıaldar aýdandyq sanıtarlyq-epıdemıologııalyq baqylaý departamentiniń aýdandyq bólimshelerine jiberildi. Barlyq fakti boıynsha ákimshilik jaza qoldanylady.

Mysaly, 21 tamyzda saǵat 19.00 shamasynda tyıym salynǵanyna qaramastan, M.Áýezov aýdany, Aqsaı 4 shaǵyn aýdanynda «Dostar» meıramhanasy jumys istep, onda 150 qonaqtyń qatysýymen is-shara ótti.

Dál sol kúni Naýryzbaı aýdanynyń tekserýshileri keshki saǵat 17.10 shamasynda «Aqjar» shaǵyn aýdanyndaǵy «Samır» meıramhanasynda 80 kelýshi bolǵan zań buzýshylyqty anyqtady.

Taǵy bir banket jasyryn túrde Naýryzbaı aýdany, Drozdy kóshesindegi jeke úıde ótti, onda 30 qonaq boldy. Tekserýshiler habarlaǵandaı, munda qudalyq bolǵan.

21 tamyzda Almaly aýdanynyń monıtorıng toby keshki saǵat 22 shamasynda karantındi buzǵan 50 adam bar «Letnyı dvor» kafesiniń jumysyn toqtatty.

Sol kúni, shamamen saǵat 23.00-de Almaly aýdanynyń Qurmanǵazy kóshesindegi «1917» kafesinde tártip buzýshylyq anyqtaldy, shamamen 16.30-da Bostandyq aýdanyndaǵy «Bi Kumis» meıramhanasynda 100 qonaq shaqyrylǵan banket toqtatyldy.

22-23 tamyz aralyǵynda Almatyda 12 karantındik buzýshylyq anyqtaldy. Tekserýshiler jeksenbi, 22 tamyzda demalys kúnderi jumysqa tolyq tyıym salynǵanyna qaramastan, Bostandyq aýdany Alma Arasan kóshesindegi «Holam» kafesiniń jumys jasap jatqanyn habarlady. Mekeme ishinde 30-ǵa jýyq adam bolǵan.

Sol kúni Dýlatı kóshesinde «Ý Isabaıa» kafesi jumys jasaǵan, tekserýshiler 80 adamdy taratty.

22 tamyzda Alataý aýdanynda monıtorıng toby «Fırýza» meıramhanasyn ashylǵanyn jáne 40 qonaqtyń bolǵanyn anyqtady.

Naýryzbaıdaǵy «Nur-Aı» meıramhanasynda 60 qonaq qatysqan shara ótkizilgen.

Almatyda patrýldik ekıpajdar oıyn-saýyq mekemeleriniń janynda kezekshilik etedi, barlyǵy 150-ge jýyq nysanǵa baqylaý ornatylǵan.