Karantın: Almatyda 120 adamǵa arnalǵan úılený toıy toqtatyldy
Almatyda karantın sharalarynyń saqtalýyn baqylaý boıynsha tekserý sharalary jalǵasýda. Basty mindet – koronavırýs ınfektsııasynyń taralý qaýpin azaıtýǵa baǵyttalǵan sanıtarlyq-epıdemııalyq talaptardyń saqtalýyn qamtamasyz etý.
Tekserý toby naýryzdyń 20-sy kúni Dostyq dańǵyly 52/2 meken-jaıy boıynsha Qazaqstan qonaqúıiniń «Grand Palas» zalynda ótip jatqan úılený toıyn toqtatty. Onda shamamen 120 adam bolǵan. Toı qonaqtary meıramhanadan shyǵaryldy.
Almaty qalasynyń ákimdigi epıdemıologııalyq ahýal turǵysynan qalanyń «qyzyl aımaqta» turǵanyn eske salady. Ótken táýlikte megapolıste koronavırýs ınfektsııasy boıynsha oń PTR-i bar 437 naýqas anyqtaldy. Bul sońǵy bir aıdaǵy eń joǵary kórsetkish.
Qalada epıdemııanyń taraý aýqymy kún saıyn artyp keledi. Koronavırýspen baılanysty jaǵdaıdy odan ári órshitip almaý úshin, mamandar turǵyndarǵa vırýsqa qarsy erejelerdi qatań saqtaýdyń mańyzdylyǵyn eske salady. Atap aıtqanda, qoǵamdyq sharany uıymdastyryp jáne oǵan qatysýdan aýlaq bolý. Azamattar, ásirese sozylmaly aýrýlary bar adamdar, sondaı-aq 65 jastan asqan qart adamdardyń óte saq bolǵandary abzal.