Karantın: Aqtaýda kafe-barlar jumys isteýin toqtatpaı tur

AQTAÝ. QazAqparat - Aqtaýda karantın talaptarynyń oryndalýyn qadaǵalaý boı̆ynsha mobıldi toptar jumysyn jalǵastyrýda, dep habarlaıdy QazAqparat tilshisi.

Polıtsııa qyzmetkerleri, ákimdik ókilderi dúkenderdi, saýda ortalyqtaryn, meı̆ramhanalardy jáne basqa da kásipkerlik sýbektilerin tekserýde.

17 sáýir kúni túnde ákimdik ókilderi men Aqtaý qalalyq maslıhat depýtattary ótkizgen reıd kezinde túngi 24:00-den keıin jumys istep turǵan Aqtaýdaǵy ataqty «Perfect Relax» restorany, «Baıer» laýndj bary, «El Divino» restobarynda adam lyq toly ekeni anyqtaldy. Onda maskalyq rejım men áleýmettik araqashyqtyq saqtalmaǵan. «Zolotoı Drakon» kafesi sanıtarlyq talaptardy múlde eskermegen.

Osy jáne ózge de tártip buzýshylyqtar resmı túrde tirkelip, dámhana qojaıyndaryna hattama toltyryldy. Ári qaraı tıisti shara qoldaný úshin sanıtarlyq-epıdemıologııalyq qadaǵalaý organdaryna joldandy.

Monıtorıng tobynyń ókilderi sanıtarlyq talaptardy oryndamaı, adamdar ómirin qaýip tóndirgender jaýapqa tartylatynyn eskertedi.

Sonymen birge, kásipkerlik sýbektileriniń basshylaryna sanıtarlyq-epıdemıologııalyq talaptardy buzý birneshe ret qaıtalanǵan jaǵdaıda, QR qoldanystaǵy zańnamasy sheńberinde kásipkerlik sýbektileriniń qyzmetin ýaqytsha toqtata turý sharasy qoldanylady.