Karantın: 25 mamyrdan bastap bankterdiń jumys ýaqyty ózgeredi

ALMATY. QazAqparat - Almaty men Nur-Sultan qalalarynda bankter, aqsha aıyrbastaý pýnktteri, lombardtardyń jumys ýaqyty ózgerdi, dep habarlaıdy QazAqparat tilshisi.

Respýblıkalyq mańyzy bar eki qalada 18-24 mamyr aralyǵynda birqatar qarjy sýbektileri tańǵy 09:00-dan keshki 18:00 deıin jumys isteıtin bolady.

QR Ulttyq banki men QR Qarjy naryǵyn retteý jáne damytý agenttiginiń birikken buıryǵynda sýbektiler tizimi bekitilgen:

- ekinshi deńgeıli bankter

- jeke bank operatsııalaryn júrgizetin uıymdar

- saqtandyrý (qaıta saqtandyrý) uıymdary

- saqtandyrý brokerleri

- qundy qaǵazdar naryǵynda brokerlikpen aınalysatyn uıymdar

- mıkroqarjylyq uıymdar, nesıe seriktestikteri,

- tólem uıymdary.

Buıryqqa sáıkes atalǵan uıymdar men fılıaldarynda qyzmetkerler sany 50 paıyzdan aspaýy kerek.

KASE, Qundy qaǵazdar ortalyq depozıtarıı, aqsha aıyrbastaý uıymdary tańǵy 09:00 ben 17:00 aralyǵynda jumys isteıdi.

Bul shekteý sharalary 18-24 mamyr aralyǵynda bolady.

25 mamyrdan bastap jumys ýaqyty, adam sany uıym basshylarynyń sheshimderine qaraı uıymdastyrylatyn bolady.

Odan bólek sýbektilerdiń basshylary sanıtarlyq normalardyń saqtalýyn qamtamasyz etýi tıis.