Qaramaǵyndaǵylardy balaǵattaǵan sheneýnik qyzmetinen ketti

ALMATY. QazAqparat - Almaty qalalyq Turǵyn úı saıasaty basqarmasynyń Ekologııa jáne qorshaǵan ortany qorǵaý bóliminiń basshysy Qaırat Toqtasynov qaramaǵyndaǵylardyń shaǵymynan keıin óz erkimen qyzmetinen ketti, dep habarlaıdy QazAqparat tilshisi.

Bólim qyzmetkerleri basshylarynyń namysqa tıip, balaǵat sóz aıtatyndyǵyna shaǵymdanǵan. Anonımdi jazba Instagram jelisinde paıda boldy. Alaıda keıin aýdıojazba óship qalǵan.

«Jaǵdaıdy anyqtaý úshin arnaıy qurylǵan komıssııa ekologııa jáne qorshaǵan ortany qorǵaý bóliminiń basshysymen jáne qyzmetkerlerimen joǵaryda atalǵan fakti boıynsha suraq jaýap aldy. 11 jeltoqsanda qyzmettik tergeý barysynda Q.N.Toqtasynov óz erkimen eńbek shartyn buzý týraly ótinish jazdy. Osylaısha, 2020 jyldyń 14 jeltoqsanynda ekologııa jáne qorshaǵan ortany qorǵaý bóliminiń basshysy Q.Toqtasynov qyzmetinen bosatyldy, osyǵan baılanysty komıssııa qyzmettik tergeýdi aıaqtaý týraly sheshim qabyldady «, - dedi «Turǵyn úı» JShS.

Eske salsaq, osy oqıǵaǵa baılanysty qyzmettik tekserý júrip jatqany týraly buǵan deıin habarlaǵan bolatynbyz.