Qaramaǵynda kolledjderi bar joǵary oqý oryndaryna qatysty qandaı ózgertý engizildi
«Endi qaramaǵynda kolledjderi bar joǵary oqý oryndary da tehnıkalyq jáne kásiptik bilim berý baǵyty boıynsha memlekettik tapsyrysty ornalastyrý rásimine qatysa alady» - dep jazdy A. Aımaǵambetov áleýmettik jelidegi paraqshasynda .
Osy oraıda mınıstr buǵan deıin olarda memlekettik tapsyrys alý quqyǵy bolmaǵanyn eske saldy.
«Biz bul máseleni de sheshtik. Engizilgen túzetý joǵary oqý oryndarynyń úzdiksiz oqytýdy qamtamasyz etý múmkindikterin keńeıtedi. Bul túzetýlerdiń barlyǵy zańnamany jetildirýge, joǵary jáne joǵary oqý ornynan keıingi bilim sapasyn arttyrýǵa baǵyttalǵan», - dedi vedomstvo basshysy.
Budan buryn habarlanǵandaı, grantpen oqyǵan túlek óz daıyndyq baǵyty boıynsha jekemenshik uıymdarda esh kedergisiz jumys isteı alady.
Aıta keteıik, 2021 jyldan bastap árbir joǵary oqý orny bilim alǵan azamattarǵa jeke úlgisi boıynsha dıplom beretin bolady. ıAǵnı, endi ár joǵary oqý ornynda beriletin dıplomdardyń barlyǵy birkelki bolmaıdy.
Budan bylaı memlekettik úlgidegi dıplomdar berilmeıdi.