Qaraly qańtar: Almatyda 41 qylmystyq iske sot úkimi shyqty

ALMATY. QazAqparat - Almatyda qańtar oqıǵalary kezinde jasalǵan «urlyq» deregi boıynsha qalalyq sotttarǵa 82 qylmystyq is túsken, dep habarlaıdy QazAqparat tilshisi.

Almaty qalalyq sotynyń baspasóz qyzmetiniń málimetinshe, Almatyda qaraly qańtarda jasalǵan «urlyq» deregi boıynsha 41 qylmystyq iske sot úkimi shyǵaryldy.

«Qańtar oqıǵasyna baılanysty túsken qylmystyq isterdiń jartysyna sot úkimi shyǵaryldy. Olardyń kóbi QR Qylmystyq kodeksiniń 188- baby «urlyq« boıynsha tústi. Azamattar óz kinásin moıyndap, keltirilgen zalaldy materıaldyq túrde nemese urlanǵan zatty keri qaıtardy. Ózderiniń is-áreketterine ókingeni úshin sottar olarǵa bas bostandyǵyn shekteý jazasyn taǵaıyndap jatyr. Ol 2 jyldan 4 jylǵa deıin bolyp tabylady», - dedi qalalyq sottyń baspasóz hatshysy Abaı Jarylqasyn.

Sondaı-aq onyń aıtýynsha, qylmystardy negizinen jumyssyz, jas azamattar jasaǵan. Olar dúkenderden turmystyq tehnıkalar, kompıýter, uıaly telefondardy urlaǵan.

Qazirgi ýaqytta qalǵan qylmystyq 41 is qarastyrylý ústinde.