Qaraqshylyq jasaǵany úshin aıyptalýshy Túrkııadan ekstradıtsııalandy
13:18, 21 Aqpan 2017
ASTANA. QazAqparat - Búgin QR Bas prokýratýrasy QR ІІM Interpolynyń járdemdesýimen «M» azamatty qylmystyq jaýapkershilikke tartý úshin Túrkııa Respýblıkasynan ekstradıtsııalady.
«Ustalǵan adam 2012 jyly adamdar tobymen «E» azamatqa qaraqshylyq shabýyl jasap, onyń 415 290 teńge kóleminde aqshasyn ıemdengeni úshin aıyptalýda. Sonymen qatar, osy tulǵanyń 9 mln. teńgeden artyq aqshalaı qarajatyn urlap, jasyryndy», dep habarlaıdy Bas prokýratýranyń baspasóz qyzmeti.
Qostanaı oblysynyń Іshki ister departamenti izdeý jarııalanǵannan keıin ol 2013 jyly Túrkııa aýmaǵynda ustaldy.
Túrik tarapymen Qazaqstan Bas prokýratýrasynyń ustap berý týraly suraý salýy qanaǵattandyryldy.
Qazirgi ýaqytta ustalǵan tulǵa Astana qalasynyń ÝUI qamaýǵa alyndy.